Аксёнаў: Крым ахоўваюць войскі Чарнаморскага флоту РФ

Да аховы важных аб'ектаў аўтаноміі прыцягнутыя вайскоўцы Чарнаморскага флоту Расеі.

Пра гэта заявіў самаабвешчаны крымскі прэм'ер Сяргей Аксёнаў падчас выступу на адкрыцці пасяджэння Рады міністраў Крыму.

Ён адзначыў, што ўсе службы - СБУ, МУС, пракуратура - працуюць у штатным рэжыме і сітуацыя ў аўтаноміі ўзятая пад кантроль.

Пры гэтым Аксёнаў паведаміў, што наладжана супрацоўніцтва з чарнаморскім флотам у ахове жыццёва важных аб'ектаў аўтаноміі.

«Сумесна групы працуюць. Я ўпэўнены, што яны змогуць выканаць задачы ў ахове грамадскага парадку», - адзначыў ён.

Фота: Reuters