У Сімферопалі невядомыя занялі Дом прафсаюзаў
4- 1.03.2014, 14:52
- 7,761
Група моцных мужчын у камуфляжы і ў чорных балаклавах на тварах заняла будынак Дома прафсаюза ў цэнтры Сімферопаля, які знаходзіцца праз дарогу ад Савета міністраў аўтаноміі.
«Без каментароў», - заявілі яны журналістам.
Да будынка прыбылі супрацоўнікі міліцыі, паведамляе УНІАН.
Да прысутных прадстаўнікоў СМІ выйшаў малады хлопец і паведаміў, што неўзабаве ў будынку пройдзе прэс-канферэнцыя нейкага «Крымскага фронту».
Сёння Дзяржаўная памежная служба Украіны паведаміла аб прысутнасці неўстаноўленых узброеных асоб, якія ачапілі аэрапорт Сімферопаля, а таксама аб знаходжанні вайскоўцаў Чарнаморскага флоту РФ у сэрвіснай зоне паромнай пераправы «Крым-Каўказ».
Фота: Reuters