Гарадская рада Данецка на запатрабаванні «турыстаў» з Расеі абвясціла аб рэферэндуме (Відэа)

Данецкая гарадская рада пад ціскам расейскіх нацыяналістаў правяла пазачарговую сесію.

Дэпутаты тэрмінова пастанавілі: падтрымаць ініцыятыву аб правядзенні Рэферэндуму на тэрыторыі Данецкай вобласці аб далейшым лёсе Данбаса і звярнуцца да дэпутатаў Данецкай абласной рады аб неадкладным прызначэнні вышэйпаказанага Рэферэндуму на тэрыторыі вобласці, піша gazeta.ua.

Дэпутаты Данецкай гарадской рады заявілі пра гатоўнасць выканаць усе арганізацыйныя і прававыя працэдуры для правядзення рэферэндуму. Гэтак жа яны абвясцілі аб намеры ўвесці мараторый на рост коштаў і тарыфаў на тавары і паслугі першай неабходнасці. Пастанавілі аб недапушчальным далейшым зніжэнні ўзроўню сацыяльных выплат і гарантый. Гэтак жа пастанавілі ўважаць рускую мову афіцыйнай на тэрыторыі Данецкай вобласці, нароўні з украінскай, і патрабаваць прыняцця адпаведных пастаноў ад дэпутатаў Данецкай абласной рады.

Пастанавілі разглядаць Расейскую Федэрацыю стратэгічным партнёрам Данбаса. Наступнымі пунктам стварылі муніцыпальную міліцыю і рэкамендавалі Данецкай абласной радзе, сумесна з Луганскай абласной радай, стварыць камісію ў фарміраванні стабілізацыйнага фонду Данбаса.

Далей у тэксце пастановы літаральна гаворыцца : «Да высвятлення легітымнасці прынятых Вярхоўнай Радай Украіны законаў і прызнання новых органаў дзяржаўнай улады ўсю паўнату адказнасці за жыццезабеспячэнне тэрыторый ўскласці на органы мясцовага самакіравання».

Данецкая гарадская рада заяўляе аб непрыманні любога роду ультыматумаў і мае намер у далейшым прымаць пастановы на падставе паўнамоцтваў і ў інтарэсах жыхароў Данецка.

Данецкая вобласць наводненая аўтобусамі і аўтамабілямі з расейскімі нумарамі. Частка баевікоў з георгіеўскімі стужачкамі прыбылі сёння ў Данецк на такіх аўтобусах.

У Данецку актыўна распаўсюджваецца слых аб тым, што калона БТР-аў ужо едзе з Растова па кірунку да Данецку, а расейскія войскі стаяць на памежным пункце Успенка ўжо некалькі сутак.

Тым часам губернатар Андрэй Шышчацкі працягвае выконваць абавязкі старшыні Данецкай аблдзяржадміністрацыі, кажуць у яго прэс-службе.

Шышчацкі заявіў: «Буду абараняць інтарэсы Данбаса і яго жыхароў. Я за адзіную і непадзельную Украіну! Але я хачу, каб Данбас паважалі. Паважалі яго самабытнасць. Мы будзем размаўляць на рускай мове! Мы будзем маліцца ў нашых храмах! Мы будзем шанаваць нашы традыцыі, звязаныя з гераічнай гісторыяй Вялікай Айчыннай вайны».

«Большая частка людзей, якія сабраліся на плошчы ля будынка абласной адміністрацыі, яго падтрымлівала. Але ў шэрагах мірных мітынгоўцаў знаходзілася блізу 70 чалавек з расейскімі сцягамі, якія ўвесь час перакрыквалі выступоўцаў на мітынгу. Калі абвясцілі хвіліну маўчання па загінулым у Кіеве - з іх боку раздаваліся цынічныя выкрыкі. Калі выступаў святар і заклікаў усіх да міру - былі ўсе тыя ж бяздумныя воклічы. Час ад часу яны скандавалі «Беркут! Беркут!», але нават калі выступаў прадстаўнік гэтага падраздзялення, яго таксама не слухалі і перакрыквалі, дэманструючы тым самым поўную непавагу да жыхароў данецкага рэгіёну, да яго духоўных каштоўнасцей. Людзі, якія стаялі з імі побач, сцвярджалі, што гэта - не жыхары Данецкай вобласці, а прыезджыя «турысты» з Расеі. «Данецк - рускі горад» выкрыквалі яны і патрабавалі адстаўкі губернатара, увесь час скажаючы яго прозвішча», - гаворыцца ў паведамленні прэс-службы