Адміністрацыйныя будынкі ва Украіне захопліваюць «турысты» з Расеі
17- 1.03.2014, 20:45
- 42,923
Стала вядома, хто ўсталёўвае расейскія сцягі над адміністрацыйнымі будынкамі на ўсходзе Украіны.
Напрыклад, у Харкаве гэта зрабіў жыхар Масквы, які ўжо выклаў фота свайго ўчынку на прыватнай старонцы ў сацыяльнай сетцы «Вконтакте». Там ён паказаны пад нікам Mika Ronkainen
«Прама зараз! Намі вызвалена Харкаўская адміністрацыя. Над ёй узняты сцяг Расеі», - напісаў ён.
Нагадаем, учора стала вядома аб тым што ў сацыяльнай сетцы «Вконтакте» збіраюць расейцаў для адпраўкі ва Украіну. Арганізатары запрашалі мужчын з прымежных абласцей Расеі ад 18 да 45 гадоў з вопытам службы ў войску. Іх збіраліся паслаць пад выглядам «турыстаў» ва Украіну.
«Выезд у Данецк адбываецца з Растова-на-Доне, выезд у Харкаў - з Белгарада. Табе трэба паказаць дату твайго прыезду ў гэтыя гарады, дзе атрымаеш далейшыя інструкцыі. Будзь максімальна дакладны і сабраны, людзі перагружаныя, не трэба лішніх пытанняў. Памятай - ты звычайны турыст, нічога лішняга з сабой не трэба», - казалі арганізатары.
Арганізатары «тураў» не хавалі, што іх мэта - правакацыі, якія выклічуць увод расейскіх войскаў ва Украіну.