Уезд у Крым заблакаваны ўзброеным «Беркутам»
4- 1.03.2014, 21:09
- 20,778
Грамадзянскія асобы ў камуфляжнай форме з георгіеўскімі стужачкамі заблакавалі ўезд у Крым.
Аб гэтым паведамляюць «Херсонские вести».
«Уезд у Крым блакаваны грамадзянскімі асобамі ў розных камуфляжных формах. Георгіеўскія стужкі. Таксама ёсць байцы «Беркута» з аўтаматамі. Фатаграфаваць забаронена. Нас не прапусцілі. Сказалі нельга. Машыну абшукалі і сказалі ехаць назад», - паведаміў карэспандэнт выдання.
З астатняй тэрыторыяй Украіны Крым звязваюць дзве дарогі. Адна з іх праходзіць праз Перакопскі пярэсмык, другая - праз заліў Сіваш. Выданне не ўдакладняе, ці заблакаваныя абедзве, альбо толькі адна з іх.
Нагадаем, расейскія вайскоўцы цягам апошніх дзён захапілі шэраг аб'ектаў у Крыме. Акрамя таго, узброеныя баевікі ўзялі штурмам адміністрацыйныя будынкі ў Данецку і Харкаве.
1 сакавіка Савет Федэрацыі Расеі пастанавіў даць згоду прэзідэнту РФ Уладзіміру Пуціну на выкарыстанне Узброеных сіл на тэрыторыі Украіны.