300 расейскіх вайскоўцаў штурмуюць атрад Марской аховы ў Севастопалі
29- 1.03.2014, 21:28
- 59,649
Калона ўзброеных людзей у форме спецназа спрабуе мэтава захопіць Севастопальскі атрада Марской аховы.
Пра гэта паведамляе УНП са спасылкай на Дзяржаўную памежную службу Украіны ў суботу, 1 сакавіка.
"Старшы гэтай групы заявіў, што ёсць загад Міністра Абароны Расеі заняць марскую частку. Дзяржаўная памежная служба Украіны робіць выключныя захады для недапушчэння захопу тэрыторыі аддзела Марской аховы і карабельна-катэрнага складу. Усе караблі на сігнал баявой трывогі выходзяць у мора", - сказалі ў прэс-службе.
Кіраўніцтва Дзяржаўнай памежнай службы Украіны заяўляе, што будзе дзейнічаць у адпаведнасці з патрабаваннямі заканадаўства Украіны.
Нагадаем, расейскія вайскоўцы цягам апошніх дзён захапілі шэраг аб'ектаў у Крыме. Акрамя таго, узброеныя баевікі ўзялі штурмам адміністрацыйныя будынкі ў Данецку і Харкаве.
1 сакавіка Савет Федэрацыі Расеі пастанавіў даць згоду прэзідэнту РФ Уладзіміру Пуціну на выкарыстанне Узброеных сіл на тэрыторыі Украіны.