Рабочы «Івацэвічдрэва»: Начальства трымае нас за быдла

Супрацоўнік дрэваапрацоўчага прадпрыемства распавёў падрабязнасці нядаўняга НЗ.

«У чацвер раніцай двое чалавек на нашым завода атруціліся ўгарным газам. У гэты час я як раз быў на змене. Адзін з іх хвілін 40 знаходзіўся без прытомнасці. «Хуткая» прыехала праз 10 хвілін, але самае дзіўнае, што ў нас на прадпрыемстве няма нармальных сродкаў і медпрэпаратаў, з дапамогай якіх можна б было прыводзіць чалавека ў сябе», - адзначыў ён у размове з карэспандэнтам сайта charter97.org.

Рабочы падкрэсліў, што «ў пультавай аптэчцы ляжыць толькі кавалак ваты, пара незразумелых таблетак і бутэлечка ёду».

«Чадным газам рабочыя атруціліся, таму што ў сушылцы адбылося ўзгаранне. Яны адбываюцца ў нас дзесьці з лістапада месяца незразумела чаму. Адзін раз нават быў сур'ёзны выбух. Усё гэта паказвае, што начальства ставіцца да нас па-свінску і трымае нас за быдла. Усім хлусяць, што ў нас зарплаты па 700-800 даляраў, хоць у чалавека, які быў без прытомнасці, зарплата 4 мільёна. Фактычна мы вымушаныя рызыкаваць жыццём, каб зарабіць на кавалак хлеба», - абурана канстатаваў мужчына.

У чацвер 6 сакавіка двое рабочых ААТ «Івацэвічыдрэў» былі дастаўленыя ў бальніцу з папярэднім дыягназам «атручэнне чадным газам». Паводле звестак прэс-службы МНС, у 7:15 выратавальнікам паступіла паведамленне аб неабходнасці зняцця двух работнікаў з пад'ёмніка, якія праводзілі чыстку тэхналагічнага цыклона ад габлюшкі. У нейкі момант мужчыны адчулі недамаганне і слабасць, таму самастойна спусціцца ўніз не змаглі.