Кантрабандыст з Беларусі спрабаваў раззброіць літоўскага памежніка

У адказ памежнік стрэліў беларусу ў нагу.

Інцыдэнт адбыўся раніцай у суботу 8 сакавіка. Падчас сутычкі з парушальнікам мяжы літоўскі памежнік прастрэліў мужчыне нагу, калі той спрабаваў адабраць яго службовую зброю. Пра гэта паведамляе партал ru.DELFI.lt са спасылкай на Службу аховы дзяржмяжы Літвы (САДМЛ).

Спачатку памежнікі заўважылі падазронага мужчыну побач з вёскай Жалунай Шальчынінкскага раёна, які, убачыўшы памежнікаў, кінуўся бегчы. Пасля кароткай пагоні ён быў затрыманы, на яго былі надзетыя кайданкі, высветлілася, што гэта 23-гадовы жыхар Шальчынінкскага раёна.

Неўзабаве быў заўважаны яшчэ адзін мужчына, які таксама не падпарадкаваўся патрабаванням службовых асоб спыніцца. Ён не спыніўся і пасля сямі папераджальных стрэлаў у паветра.

Уцекача дагналі і спрабавалі сілай надзець на яго кайданкі. Агрэсіўны мужчына спрабаваў адабраць у памежніка ва ўніформе службовую зброю, таму адным стрэлам з пісталета ён атрымаў раненне ў правую нагу.

Было ўстаноўлена, што паранены - гэта 38-гадовы жыхар Беларусі. Мужчына знаходзіцца на лячэнні ў бальніцы.

Памежнікі таксама агледзелі мясцовасць, дзе былі выяўленыя двое парушальнікаў. У кустах службовыя асобы выявілі сем скрынак кантрабандных цыгарэт NZ Gold і Minsk 5 Superslims. На 3,5 тыс. пачках былі акцызныя знакі беларускага ўзору.