Ахметаў заступіўся за Добкіна

Украінскі алігарх просіць вызваліць экс-губернатара Харкаўскай вобласці.

Рынат Ахметаў заклікаў не напружваць сітуацыю на паўднёвым усходзе Украіны і адпусціць былога чыноўніка з-пад варты, перадае NEWSru.ua.

У апублікаваным звароце Ахметава адзначаецца, што ў цяперашні час на паўднёвым усходзе краіны склалася "вельмі складаная палітычная і псіхалагічная сітуацыя". І ўзяцце пад варту аднаго з лідараў усходу, за якім стаяць сотні тысяч людзей, яшчэ больш яе напальвае.

Вінаваты Міхаіл Добкін ці не, павінен устанавіць суд, лічыць Ахметаў, а да таго часу палітык павінен заставацца на волі. Ён таксама выказаў гатоўнасць унесці за Добкіна "любы неабходны залог", а таксама даць за яго асабістае даручальніцтва.

Нагадаем, Міхаіл Добкін 26 лютага падаў у адстаўку з пасады кіраўніка Харкаўскай вобласці ў сувязі з намерам балатавацца на пасаду прэзідэнта краіны. 7 сакавіка стала вядома, што супраць Добкіна была ўзбуджаная крымінальная справа за замах на тэрытарыяльную цэласнасць і недатыкальнасць Украіны.

10 сакавіка Генпракуратура краіны паведаміла аб затрыманні Добкіна. Яму пагражае да пяці гадоў пазбаўлення волі. У аўторак суд у Кіеве абярэ для экс-чыноўніка меру стрымання.