Бацька і сын выкралі з лідскага прадпрыемства 14 бочак з лакам

Сваю афёру два работнікі «Лідскай лакафарбы» прадумалі загадзя.

Бочкі з лакам і мяшкі з фарбавальнікам - і тое і іншае вырабляецца на прадпрыемстве, дзе яны працуюць, - зламыснікі загрузілі ў прычэп трактара і замаскіравалі пілавіннем. Такое пілавінне пастаянна вывозіцца за межы тэрыторыі прадпрыемства. Аднак далёка з'ехаць мужчынам не ўдалося. Ледзь апынуўшыся за прахадной, бацька і сын трапілі ў рукі міліцыянтаў, піша «Комсомольская правда в Беларуси».

- Аказалася, што пад прыкрыццём пілавіння прадпрымальныя работнікі паспрабавалі вывезці з тэрыторыі прадпрыемства 14 бочак з лакам і некалькі мяшкоў з фарбавальнікам. Кошт выкрадзенага перавысіў шэсцьдзесят мільёнаў рублёў. Лідскі раённы аддзел Следчага камітэта па гэтым факце распачаў крымiнальную справу, - распавёў афіцыйны прадстаўнік Упраўлення Следчага камітэта па Гродзенскай вобласці Сяргей Шаршаневіч.

Зараз нешчаслівыя зладзюжкі знаходзяцца пад хатнім арыштам. Такая мера стрымання была ўжытая да падазраваных, таму што раней яны не мелі праблем з законам. Калі іх віна будзе даказаная, то бацьку і сыну пагражае пакаранне да сямі гадоў пазбаўлення волі.