Ультыматум кіраўніку МУС Украіны: супраціў сепаратыстам або адстаўка

Украінцы абураныя бяздзейнасцю праваахоўных органаў і асабіста міністра ўнутраных спраў Арсэна Авакава.

У сацыяльных сетках яны пішуць пра адсутнасць рашучых дзеянняў супраць праяваў сепаратызму на вуліцах усходніх гарадоў краіны. У прыватнасці, людзей абурыла ўчорашняя падзея ў Данецку, падчас якой загінулі і былі пакалечаныя ўдзельнікі мірнай акцыі, перадае Gazeta.ua.

На іх думку, яно ў чарговы раз паказала немагчымасць міліцыі пад кіраўніцтвам Арсэна Авакава выконваць свае асноўныя абавязкі - ахоўваць парадак і абараняць чалавечыя жыцці.

"Чаму родныя праваахоўнікі, якія яшчэ месяц таму не шкадавалі для разгону ўкраінцаў розныя спецсродкі, цяпер падчас масавых беспарадкаў, арганізаваных сепаратыстамі і прадстаўнікамі чужой дзяржавы, выконваюць ролю бязрукіх "міратворцаў"? - адзначылі актывісты. - Няўжо Вам больш шкада агрэсіўных растоўскіх і варонежскіх "гастралёраў", чым уласных грамадзян, якія выходзяць на мітынгі супраць вайны і за адзінства Украіны?"

Грамадскія дзеячы нагадалі, што Авакаў быў прызначаны не для таго, каб "забяспечыць бесперашкоднае вызваленне Юліі Цімашэнка і адправіць пад хатні арышт украінафобаў Генадзя Кернеса і Міхаіл Добкіна, і не толькі для таго, каб расфармаваць "Беркут" і перайменаваць унутраныя войскі ў Нацыянальную гвардыю".

"Майдан, дарэчы, бязрадасна ўспрыняў прызначэнне Вас на адказную пасаду кіраўніка МУС. Ён адчуваў Вашу некампетэнтнасць. У Вас засталося няшмат часу для выпраўлення сітуацыі на ўсходзе Украіны", - папярэдзілі актывісты.

У выпадку немагчымасці хутка справіцца з праявамі сепаратызму, міністру параілі добраахвотна сысці ў адстаўку. "Інакш зноў загаворыць вуліца", - заявілі яны.

У сваю чаргу данецкая абласная арганізацыя партыі "УДАР" усклала адказнасць за маштабныя сутыкнення ў цэнтры Данецка 13 сакавіка на губернатара Данецкай вобласці Сяргея Таруту і непасрэдна кіраўніка ГУМВД Данецкай вобласці Канстанціна Пажыдаева.

"УДАР" таксама запатрабаваў неадкладнай рэакцыі на падзеі ў Данецку кіраўніка МУС Арсэна Авакава.