Леў Рубінштэйн: Масквічам трэба прыйсці на парад здаровых людзей

Менавіта так вядомы публіцыст называе акцыю, якая пройдзе заўтра ў расейскай сталіцы.

У каментары «Ежедневному журналу» Леў Рубінштэйн падкрэсліў, што «Марш Міру і Свабоды» 15 сакавіка ў Маскве мае псіхатэрапеўтычную функцыю.

«З аднаго боку, я разумею рацыі тых, хто кажа, што такая ўзгодненая, дазволеная акцыя - гэта яшчэ адзін крок назад, што гэта адступленне, і асаблівага сэнсу і эфекту гэта не мае. Такія настроі я разумею і збольшага падзяляю. Але мне здаецца, што ўсё ж такі трэба прыйсці, асабліва ў такі дэпрэсіўны для многіх час, як мінімум, каб адзін аднаго убачыць, зразумець, што на самой справе нас не так мала. Для мяне гэта ў нейкім сэнсе псіхатэрапія. Калі чалавек толькі і робіць, што сядзіць у сетцы і чытае навіны, яму пачынае здавацца, што ўсе з'ехалі з глузду. А такая акцыя стане некаторым парадам здаровых людзей, якія не страцілі ўяўленне аб норме, не замбаваных, і наогул пафас «за мір» аб'ядноўвае вельмі многіх. Я спадзяюся, што там будзе шмат народу, гэтага вельмі б хацелася», - лічыць Леў Рубінштэйн .

Публіцыст адзначыў, што сітуацыя ў краіне можа змяніцца ў любы момант, і тады адбудзецца «колькасны скачок» удзельнікаў пратэстных акцый.

«На сённяшні дзень нашы ўлады не звяртаюць на гэта асаблівай увагі, але гэта не азначае, што гэтага не трэба рабіць. Сёння яны не звяртаюць, але заўтра гэта можа змяніцца. Калі нейкім незразумелым чынам адбудзецца колькасны скачок, і выйдзе не дзесяць тысяч чалавек, а чатырыста тысяч - тады, мабыць, яны рэпу пачэшуць. Іншая справа, што незразумела, якія зробяць з гэтага высновы, але хаця б заўважаць», - падкрэсліў ён.

Антываенны «Марш Міру і Свабоды» адбудзецца ў Маскве заўтра, 15 сакавіка. Пачатак - у 14:00 на Пушкінскай плошчы.