Фірташа адпускаюць пад заклад і рыхтуюцца экстрадаваць у ЗША
7- 14.03.2014, 20:05
- 15,717
Суд аўстрыйскай федэральнай зямлі Вена пастанавіў у пятніцу ўвечары распачаць справу аб экстрадыцыі затрыманага ў Вене ўкраінскага алігарха Дзмітрыя Фірташа.
Акрамя таго, суд прызначыў яму заклад у 125 мільёнаў еўра і забарону пакідаць Аўстрыю на час слуханняў, паведамілі РІА Новости ў прэс-службе суда.
«Справа аб экстрадыцыі пачатая. Праз асцярогі ўцёкаў прызначаны заклад у 125 мільёнаў еўра. Акрамя таго, спадар Фірташ не зможа пакідаць Аўстрыю», - паведаміў супрацоўнік прэс-службы суда Андрэас Хаўтц.
Хаўтц растлумачыў, што цяпер Фірташ знаходзіцца пад арыштам, але будзе адпушчаны, калі будзе ўнесены заклад. Хаўтц не змог сказаць, колькі будуць доўжыцца слуханні ў справе аб экстрадыцыі.
Нагадаем, праваахоўныя органы Аўстрыі на запыт ФБР ЗША затрымалі ў Вене Дзмітрыя Фірташа. Паводле інфармацыі Reuters, 48-гадовы бізнэсовец быў затрыманы на выстаўленыя органамі ЗША падазрэнні «ў хабарніцтве і злачынных намерах».