У Крыму знік яшчэ адзін журналіст
1- 15.03.2014, 12:10
- 5,500
Група ўзброеных людзей затрымала аператара UkrStream.TV Алега Балабана.
«Учора ў Севастопалі група ўзброеных людзей затрымала аператара UkrStream.TV Алега Балабана падчас выканання рэдакцыйнага задання. На дадзены момант мы не ведаем, дзе ён знаходзіцца. Будзем вельмі ўдзячныя за любую дапамогу ў пошуку і вызваленні нашага калегі», - гаворыцца ў звароце UkrStream.
Раней паведамлялася, што на КПП пры ўездзе ў Крым з боку Херсонскай вобласці былі затрыманыя дзве групы журналістаў і актывістаў. Пазней з'явілася інфармацыя аб тым, што трох затрыманых журналістаў вязуць у СБУ Севастопаля, а актывістак Аўтамайдану трымаюць у лагеры Беркута на тым жа КПП, а пазней - вязуць у Севастопаль на базу ЧФ РФ.
12 Сакавіка актывістак Аўтамайдану Шуру Разанцаву, Кацярыну Бутко, журналістку Алену Максіменку, фатографа Алеся Кромпляс і Яўгена Рахно адпусцілі.