Расейскі самалёт далёкай радыёлакацыі прыбыў у Беларусь
35- 15.03.2014, 17:41
- 30,490
Самалёт далёкага радыёлакацыйнага выяўлення А-50 перадыслакаваны ў Беларусь.
Пра гэта гаворыцца ў паведамленні, размешчаным на сайце Міністэрства абароны.
«Для ўзмацнення задзейнічанага ў праверцы кампанента адзінай рэгіянальнай сістэмы СПА ажыццёўлена перадыслакацыя на аэрадром Баранавічы расейскага самалёта далёкага радыёлакацыйнага выяўлення А-50, - адзначаецца ў паведамленні. -Тэхнічныя характарыстыкі авіяцыйнага комплексу радыёлакацыйнага дазору і навядзення А-50 дазваляюць значна пашырыць магчымасці ў радыёлакацыйнай выведцы, навядзенні знішчальнай авіяцыі Беларусі і Расеі, а таксама кіраванні дзяжурнымі сіламі ў СПА».
Нагадаем, зараз працягваецца другі этап праверкі баявой гатоўнасці Узброеных Сіл Беларусі і адзінай рэгіянальнай сістэмы СПА Беларусі і Расеі. 15 сакавіка сілы і сродкі ВПС і войскаў СПА, задзейнічаныя ў праверцы, ва ўстаноўленыя тэрміны заступілі на баявое дзяжурства па супрацьпаветранай абароне.
Фота: wikipedia