Крымчан прымушаюць ісці на «рэферэндум» пагрозамі і шантажом

Жыхары Крыму скардзяцца на прымус узяць удзел у «рэферэндуме» і выбраць канкрэтны варыянт адказу.

Меджліс крымска-татарскага народа заяўляе, што на жыхароў паўвыспы аказваецца ціск. Ад іх патрабуюць забяспечыць яўку, піша «Сёння».

«Рашэнне кожнага грамадзяніна аб удзеле або не ўдзеле ў рэферэндуме павінна прымацца выключна па асабістым жаданні і свабодным выбары грамадзяніна без якога-небудзь ціску», - гаворыцца ў заяве прэзідыума Меджліса.

Між тым, у Меджліса адзначаюць, што да іх паступаюць звароты людзей, якія скардзяцца на прымус узяць удзел у «рэферэндуме» і выбраць канкрэтны варыянт адказу, пагражаючы, у тым ліку, звальненнем. Меджліс называе такія дзеянні недапушчальнымі.

«Падрыхтоўка і правядзенне «рэферэндуму» ў такія сціслыя тэрміны, выкарыстанне адміністрацыйнага рэсурсу з мэтай дадатковага ціску на грамадзян, не дадасць легітымнасці і стане дадатковым аргументам для непрызнання вынікаў рэферэндуму сусветнай супольнасцю, паколькі парушаецца свабода волевыяўлення і свабода выбару грамадзян, якія адносяцца да асноўных прынцыпаў правядзення выбараў, замацаваным у міжнародных дакументах», - заявілі ў Меджлісе.

Любое парушэнне працоўных правоў жыхароў Крыму з пагрозамі звальнення ці іншымі спосабамі з мэтай паўплываць на яўку выбаршчыкаў, на вынік «рэферэндуму» фактычна з'яўляюцца супрацьпраўнымі дзеяннямі, за якія прадугледжана адказнасць, у тым ліку крымінальная, нагадалі ў прэзідыуме.

Нагадаем, пачынаючы з канца лютага расейскія войскі занялі практычна ўсю тэрыторыю Крыму. 6 сакавіка парламент аўтаноміі прыняў пастанову аб яе ўваходжанні ў склад РФ. 78 з 100 дэпутатаў прагаласавалі за акупацыю Крыма і правядзенне «рэферэндуму» паводле гэтага пытання 16 сакавіка. Пазней парламент прыняў «дэкларацыю аб незалежнасці» паўвыспы.

Сёння Вярхоўная Рада Украіны распусціла парламент Крыму.