Сенатар Джон Хувен: ЗША могуць забяспечыць газам Украіну

ЗША могуць пачаць пастаўкі звадкаванага газу ва Украіну і, такім чынам, эканамічна ціснуць на Расею.

Пра гэта падчас брыфінгу ў Кіеве паведаміў сенатар ЗША Джон Хувен, паведамляе УНП.

Паводле яго слоў, ЗША вырабляюць досыць шмат прыроднага газу. «Нам патрэбныя рынкі. Які можа быць крайні выхад? Мы можам прывозіць звадкаваны газ ва Ўкраіну з Амерыкі. І такім чынам мы будзем эканамічна ціснуць на Расею», - адзначыў палітык.

На яго думку, гэта таксама дапаможа Еўразвязу, паколькі краіны ЕЗ сур'ёзна залежаць ад энерганосьбітаў з Расеі.