УДАР заяўляе аб нападах і катаваннях іх актывістаў у Севастопалі
11- 16.03.2014, 8:53
- 17,644
У Севастопалі невядомыя, узброеныя агнястрэльнай зброяй, напалі на двух актывістаў «Удару».
Пра гэта паведаміў каардынатар моладзевага крыла партыі Зміцер Белацаркавец, паведамляе УНП.
З ягоных слоў, у суботу ўвечары ў дзверы аднаго з актывістаў «Удару» патэлефанавала незнаёмая дзяўчына.
Як толькі ён адчыніў, у кватэру ўварваліся ўзброеныя людзі і пачалі яго збіваць.
Пасля гэтага яны адвезлі актывіста ў сутарэннае памяшканне, дзе працягнулі катаванні і прымусілі на камеру адмежавацца ад «Удару».
«На гэты момант пацярпелага ўжо адвезлі дадому. Ён да гэтага часу без прытомнасці», - распавёў Белацаркавец.
Таксама познім вечарам 12 узброеных аўтаматамі людзей спрабавалі выбіць дзверы кватэры актывіста партыйнай моладзі Яўгена Мельнічука.
«Яны сказалі, што на Яўгена данеслі. Адмаўляюцца штосьці абмяркоўваць праз дзверы», - заявіў Белацаркавец.
Фота: Reuters