Андрэй Макарэвіч распавёў, як яго абазвалі ў Маскве «Бандэрам»
118- 16.03.2014, 10:48
- 163,262
Пасля Марша міру і свабоды лідар «Машыны часу» ледзь не падвергнуўся нападу.
Пра тое, што адбывалася пасля акцыі, Андрэй Макарэвіч распавёў на сваёй старонцы ў «Фэйсбуку»:
«Іду ў Маршы міру. Разумею, што час не дазваляе дайсці да Сахарава, саскокваю ў завулак перад Трубнай. Трошкі позна разумею, што цяпер сутыкнуся з кургінянскімі сокаламі. З завулка вынырваюць двое - мужыкі гадоў пад 50, добра апранутыя. У мяне на лацкане маленькі пацыфік з жоўта-сіняй стужачкай. Крык: «Бандэра, бл...!»
Падбягаюць, даведаюцца, дранцвеюць на імгненне, гэта дазваляе мне, не змяняючы хуткасці і напрамку, прайсці міма іх. У спіну: «Андруха! Жыд Бандэру прадаўся!» Баюся, гэты народ ужо не выратаваць.
А народу, дарэчы, было тысяч 70-80. Яшчэ нядаўна мянты ў падліках хлусілі прыкладна ўтрая, зараз ужо ў 25 разоў - тры тысячы! Маглі б паведаміць, што ўвогуле ніхто не прыйшоў, чаго ўжо там».