У Крыме знік чылійскі журналіст
1- 16.03.2014, 11:09
- 10,254
Чылійскі журналіст знік у Сімферопалі, паведамляе супольнасць Крым SOS на сваёй старонцы ў Facebook.
«Прыкладна 4,5 гадзіны таму ён патэлефанаваў свайму знаёмаму і паведаміў, што паліцыя ў яго доме, і сувязь абарвалася. З тых часоў з ім няма кантакту. Мы ведаем, што ён здымаў кватэру ля вакзалу. Журналіста клічуць Хорхе, і нам па-ранейшаму невядомае яго прозвішча», - гаворыцца ў паведамленні.
Раней партыя УДАР паведаміла пра напад на яе актывістаў у Крыме.
У нядзелю на паўвыспе праходзіць «рэферэндум» аб статусе Крыму. Ён прызнаны цэнтральнымі ўладамі Украіны, заходнімі краінамі і міжнароднымі арганізацыямі незаконным.
Фота: Reuters