Расейскія вайскоўцы замінавалі ўкраінскую частку ў Крыме
10- 16.03.2014, 15:07
- 22,502
Усе выезды з украінскай вайсковай часткі ў Феадосіі, дзе размешчаны батальён марской пяхоты, замінаваныя.
Пра гэта сёння на сваёй старонцы ў сацыяльнай сетцы «Фэйсбук» паведаміў кіраўнік Цэнтра вайскова-палітычных даследаванняў Дзмітрый Тымчук. Паводле яго інфармацыі, на гэты момант устаноўлена 40 процітанкавых мін на ўсіх выездах з вайсковай часткі, так званы «мінны шлагбаўм».
Аперацыяй кіруе палкоўнік Уладзімір Карпушэнка, камандзір брыгады спецназа, Герой Расеі (атрымаў за аперацыю ў Дагестане, дзе камандаваў ротай марской пяхоты).
Дзмітрый Тымчук таксама паведаміў, што ў сяле Перавальнае за апошнія гадзіны назіраецца ўшчыльненне кольца ачаплення, а ў Севастопаль прыбыла новая вайсковая тэхніка. «Агульная колькасць акупантаў перавышае 700 чалавек. Сярод байцоў з'явілася шмат людзей характэрнай неславянскай знешнасці», - дадаў ён.
Нагадаем, некалькі дзён таму расейскія вайскоўцы ўсталявалі міны на адміністрацыйнай мяжы Крыму і Херсонскай вобласці Украіны.
Фота: AFP