Джон Кэры: ЗША не прызнаюць вынікаў незаконнага «рэфэрэндуму» ў Крыме
5- 16.03.2014, 21:19
- 15,740
Амерыканскі дзяржсакратар заявіў пра гэта падчас тэлефоннай размовы з кіраўніком МЗС Расеі Сяргеем Лаўровым.
Джон Кэры запатрабаваў спыніць эскалацыю канфлікту і замест гэтага падтрымаць украінскую ўладу ў яе намаганнях дэцэнтралізаваць палітыку праз канстытуцыйную рэформу, а не шляхам незаконнага рэферэндуму. Дзяржсакратар ЗША падкрэсліў, што Вашынгтон уважае так званы «рэферэндум » аб статусе Крыма незаконным паводле законаў Украіны, і не будзе прызнаваць яго вынікі. Пра гэта гаворыцца ў паведамленні Дзяржаўнага дэпартамэнту ЗША на афіцыйнай старонцы ў «Твітэры».
«Падчас тэлефоннай размовы з міністрам Лаўровым Кэры зноў заявіў, што ЗША не прызнаюць вынік рэферэндуму, што праводзіцца», - гаворыцца ў паведамленні.
During his call with Foreign Minister Lavrov, @JohnKerry restated the US will not recognize the outcome of the ongoing referendum. #Ukraine
— Department of State (@StateDept) 16 Март 2014
Джон Кэры заклікаў Расею падтрымаць намаганні ўкраінцаў у павышэнні ролі мясцовай улады праз дэцэнтралізацыю, але толькі мірным шляхам - праз працэс канстытуцыйнай рэформы.
У Крыме падчас правядзення крымскага рэферэндуму актывісты зафіксавалі шматлікія парушэнні. Падчас правядзення галасавання стала вядома, што на выбарчых участках выдаюць бюлетэні грамадзянам іншай краіны, а таксама тым, каго няма ў спісах, проста запісваючы жадаючых прагаласаваць ад рукі.
ЦВК Украіны раней заявіў, што любыя мясцовыя «рэферэндумы» на тэрыторыі краіны нелегітымныя.