Ашуканцы з Марока асвоілі беларускую мову
34- 19.03.2014, 17:22
- 31,776
Абанентам сотавага аператара Velcom прыйшла спам-рассылка ў выглядзе СМС на беларускай мове з Марока.
«СМС з тэкстам «Патэлефануйце мне тэрмінова» і доўгага незнаёмага нумара з кодам +212 нашым абанентам прыйшлі з Марока. Гэта было масавае спам-рассыланне, - паведамілі «Радыё Свабода» ў даведачна-інфармацыйнай службе сотавага аператара. - Гэта адзін з відаў махлярства. Мы просім нашых абанентаў ігнараваць паведамленне, так як за званок на гэты нумар у вас спішуць грошы».
У кампаніі адзначылі, што хвіліна званка на гэты нумар, у залежнасці ад тарыфнага плана абанента, будзе каштаваць ад 9960 рублёў.