Кошт акупацыі: рынак Расеі аднавіў імклівае падзенне

Заходнія інвестары не стануць купляць расейскія каштоўныя паперы.

Пасля двух дзён росту расейскіх акцый падзенне на фондавым рынку аднавілася, паведамляе zn.ua.

«Гэты рост быў уяўны, несапраўдны. А цяпер стала зразумела, што сітуацыя не вельмі добрая, і санкцыі яшчэ магчымыя, - сказаў трэйдар заходняга банка. - Гэты рост быў на закрыцці «шортаў», напэўна, куплялі нейкія «гарачыя грошы». Нармальныя заходнія інвестары не будуць зараз купляць гэты рынак».

Індэкс ММВБ упаў на 1,21% да 1319,72 пункта. Індэкс РТС, які вылічваецца ў далярах, знізіўся на 0,46% да ўзроўню 1155,94 пункта.

«Учора было прыкрыццё «шортаў», а сёння зноў аднавіліся продажы на чаканні эканамічных санкцый», - сказаў Эдуард Лебедзеў з ІФД КапиталЪ.

Нагадаем, у сераду, 18 сакавіка, было падпісана пагадненне аб уваходжанні Крыму ў склад Расеі. Уладзімір Пуцін звярнуўся да дэпутатаў заканадаўчага сходу РФ, у прыватнасці, запэўніўшы, што не хоча падзелу Украіны.

Белы дом асудзіў анэксію Крыму і прыгразіў новымі санкцыямі. Абвешчаныя на сённяшні момант санкцыі ЕЗ і ЗША носяць толькі палітычны характар і тычацца некалькіх грамадзян РФ і Украіны.

«Калі не меркаваць аб палітыцы, то ўсё роўна відавочна, што для рынку, для эканомікі ўсё гэта дрэнна», - сказаў трэйдар заходняга банку.

Фота: delo.ua