Кіяне ля ваенкаматаў: «Гатовыя абараняць свой дом і сям'ю»

З самай раніцы нядзелі сталічныя вайсккаматы пачалі мабілізацыю вайсковаабавязаных мужчын.

Пра гэта «Украінскай праўдзе» паведамілі самі мабілізаваныя, добраахвотнікі і супрацоўнікі вайсккаматаў.

У прыватнасці, раніцай 2 сакавіка ідзе запіс вайсковаабавязаных мужчын у Абалонскім раёне.

Супрацоўнікі просяць за афіцыйнымі каментарамі звяртацца ў Міністэрства абароны, а неафіцыйна распавядаюць, што іх выклікалі на працу, як на вучэнні, з задачай пачаць фармаваць спісы.

Паводле іх словаў, частку мужчын яны абтэлефанавалі, многія прыйшлі самі.

«Мужчыны ідуць, ідуць з самай раніцы. Самі, свядома», - адзначыла супрацоўніца.

Адзін з жыхароў раёна Уладзіслаў таксама паведаміў, што з самай раніцы прыйшоў у вайсккамат з вайсковым білетам і пашпартам.

Яму прапанавалі альбо пачакаць 5 дзён да афіцыйнай мабілізацыі і тады паехаць у пэўную вайсковую частку, альбо ўжо цяпер займацца абаронай раёна і дапамагаць фармаваць заклік.

«Я разважыў пачакаць 5 дзён да афіцыйнага прызыву», - адзначыў ён.

Акрамя Абалоні ў Кіева-Святошынскам раёне позвы прыносілі дадому з самай раніцы, у Дняпроўскім раённым ваенкамаце частку мужчын выклікалі позвамі і праз тэлефон, частка прыйшла сама.

Як вядома, СНБА 1 сакавіка прыняў пастанову аб прывядзенні ў поўную баявую гатоўнасць арміі і правядзенне вучэбных збораў з вайсковаабавязанымі ў неабходнай колькасці. Выконваючы абавязкі прэзідэнта Аляксандр Турчынаў увёў яго ў дзеянне.

Фота: censor.net.ua