Юрый Шаўчук: Будзе вайна - будзе ў Расеі новая рэвалюцыя

Вядомы расейскі музыка Юры Шаўчук заклікаў да міру ва Украіне.

Пра гэта ён напісаў у блогу на сайце «Эхо Москвы». Прыводзім словы Юрыя Шаўчука цалкам:

«Памятаю сталоўку на базе ў Маздоку, у студзені 1995, поўную «доблесных» штабістаў, якія смачна абедаюць, п'юць гарэлку, весела рагочуць, шчыпаюць афіцыянтак і атрымліваюць баявыя ўзнагароды. Памятаю, як схвоснуліся з адным такім «героем», які з цынічнай усмешкай на твары каментаваў тое, што адбываецца: «на вайне, як на вайне...салдат на то і салдат, каб гінуць...мы наводзім канстытуцыйны парадак...». А побач - дэсантны полк васемнаццацігадовых хлопцаў, на пляцы, пад дробным, які выдзімае душу, каўказскім дажджом, чакаў адпраўкі на перадавую. Я суткі ім распісваўся на вайсковых білетах «... дабра... ўдачы...». Потым, у Грозным мне цэлы мех гэтых вайсковікаў вывалілі ў бальнічцы, прабітых кулямі, у крыві...Што змянілася?

Супакойцеся дэманы, дзёўбаныя кабінетныя і кухонныя псеўдапатрыёты, ваяўнічыя радыкалы з абодвух бакоў, якім увод войскаў канчаткова развяжа рукі. Зноў крыві брацкай захацелі, гэтай віагры, каб і далей у вас усё стаяла... Калі будзе, не дай Бог, вайна ў 2014 і пацякуць па венах Расеі і Украіны двухсотыя, то ў 2017 будзе ўжо іншая рэвалюцыя, і мы атрымаем ужо канчатковы ўсеагульны «кірдык».

Дзе палітыка?! Дзе вагоны перагаворшчыкаў? Дзе народная дыпламатыя? Дзе амбасадар? Чаму нашы «разумныя, смелыя, якія радзеюць за расейскі народ дэпутаты» не прыехалі на Майдан, у Раду, ужо ў снежні мінулага года, бясстрашна не выказаліся, не спелі свае куплеты...Алімпіяда...А цяпер, як звычайна, прыкрываюцца войскамі, пацанамі, крывёю.

Мы - людзі Украіны і Расеі - радня. Кожнаму з нас проста неабходна зрабіць усё магчымае, каб не дапусціць братазабойчай бойні. Інакш пераможа нялюдскасць».

Нагадаем, прэзідэнт Расеі Уладзімір Пуцін 1 сакавіка ўнёс у Савет Федэрацыі зварот аб выкарыстанні узброеных сіл на тэрыторыі Украіны «да нармалізацыі грамадска-палітычнай абстаноўкі ў гэтай краіне». Прычынай такіх мер у дакуменце названа «экстраардынарная сітуацыя», якая склалася ў гэтай краіне.

Раней ваенныя Расеі занялі амаль усе стратэгічныя аб'екты ў Крыме. У некаторых абласных цэнтрах на ўсходзе Украіны правакатары і сепаратысты штурмавалі адміністрацыйныя будынкі. 2 сакавіка стала вядома, што да мяжы ў раёне Харкаўскай вобласці высунутыя падраздзяленні Цэнтральнай вайсковай акругі Расеі.

Украіна звярнулася да ЗША і іншых пастаянных сяябраў Савета Бяспекі ААН, а таксама да кіраўніцтва НАТА з просьбай аб абароне тэрытарыяльнай цэласнасці. В.а. прэзідэнта краіны Аляксандр Турчынаў увёў у дзеянне пастанову Савета нацбяспекі і абароны аб прывядзенні Узброеных сіл у поўную баявую гатоўнасць.