National Geographic не будзе далучаць Крым да Расеі на мапах

Меркаванне картографа Хуана Хасэ Вальдэса, які выступіў за пазначэнне Крыма часткай Расеі, не адпавядае пазіцыі National Geographiс.

Пра гэта паведаміў прадстаўнік рэдакцыі ўкраінскай версіі часопіса National Geographic у «Фэйсбуку» Дзмітрый Губенка.

Ён паведаміў, што ў галоўным офісе Нацыянальнага Геаграфічнага Таварыства не падтрымліваюць і не легалізуюць анэксію Крыма Расеяй, а мапы мяняць не будуць.

«Нацыянальнае Геаграфічнае Таварыства сочыць за падзеямі ва Украіне і шкадуе, што ў пагоні за сенсацыяй Bloomberg узяў інтэрв'ю ў картографа, які проста распавёў палітыку НДА адносна падобных сітуацый. Інтэрв'ю трэба было браць у Прэзідэнта НДА або дырэктара, як мінімум», - напісаў Губенка.

Як нагадвае liga.net, 18 сакавіка Bloomberg і шэраг іншых амерыканскіх СМІ распаўсюдзілі інфармацыю, пра тое што падраздзяленне найбуйнейшага геаграфічнага таварыства National Geographic Maps можа далучыць Крым да Расеі на мапах.