Крым абвешчаны дзевятай федэральнай акругай Расеі
9- 21.03.2014, 16:58
- 21,060
Прадстаўніком Крамля на паўвостраве прызначылі Алега Белавенцава.
Уладзімір Пуцін утварыў Крымскую акруга і прызначыў прадстаўніком Крамля на паўвостраве Алега Белавенцава. Пра гэта сёння паведаміла прэс-служба прэзідэнта Расеі.
«Сёння мною падпісана некалькі ўказаў, у тым ліку Указ аб утварэнні яшчэ адной федэральнай акругі, Крымскай федэральнай акругі, і прызначаны паўнамоцны прадстаўнік Прэзідэнта Расейскай Федэрацыі ў Крыме - Белавенцаў Алег Яўгенавіч», - заявіў Пуцін.
Нагадаем, у складзе РФ існуе 8 федэральных акругаў. Федэральныя акругі не з'яўляюцца суб'ектамі ці іншай канстытуцыйнай часткай адміністрацыйна-тэрытарыяльнага дзялення Расейскай Федэрацыі і былі створаныя па аналогіі з ваеннымі акругамі і эканамічным раёнамі, але не супадалі з іх колькасцю і складам.
У момант іх заснавання ў 2000 годзе было створана 7 федэральных акругаў. Першым змяненнем іх колькасці (павелічэннем да васьмі) і складу стала вылучэнне Паўночна-Каўказскай федэральнай акругі з Паўднёвай федэральнай акругі. У акругах вызначаныя гарады-цэнтры, у якіх размяшчаюцца іх кіроўча-каардынацыйныя органы ў выглядзе паўнамоцнага прадстаўніка прэзідэнта, яго апарата і ўпраўленняў федэральных ведамстваў. Паўночна-Каўказская акруга з'яўляецца адзінай, у якой горад-цэнтр не з'яўляецца адміністрацыйным цэнтрам або найбуйнейшым горадам свайго суб'екта.
Фота: Reuters