Неанацыст з Пецярбурга агітуе жыхароў Адэсы за аддзяленне ад Украіны
27- 25.03.2014, 15:29
- 33,553
Антон Раеўскі актыўна патрабуе ўвядзення расейскіх войскаў ва Украіну.
У апошні час ён быў заўважаны на сепаратысцкіх мітынгах у Адэсе. Грамадзянін Расеі з Санкт-Пецярбурга, заснавальнік расейскай фашысцкай арганізацыі Антон Раеўскі зараз выдае сябе за жыхара Украіны. На сваёй старонцы «Вконтакте» ён называе сябе байцом «Адэскай дружыны». Раней, падчас акцый, якія праходзілі ў Расеі, ён стаяў з плакатам: «Рускія за ўвод расейскіх войскаў на Украіну» .
Актывіст з'яўляецца членам неанацысцкага руху «Чорная сотня». Іх сцягі таксама былі заўважаныя падчас сепаратысцкіх мітынгаў у Адэсе.
У арганізацыі «Нацыянальная сацыялістычная ініцыятыва», у якой ён таксама раней знаходзіўся, лічаць, што Антон Раеўскі супрацоўнічаў або з ФСБ, або з расейскай паліцыяй.