На акцыі ў Дзень Волі разгарнулі транспарант з Бандэрам і Гадлеўскім

Партрэты лідараў нацыянальна-вызваленчых рухаў Беларусі і Украіны - на расцяжцы «Маладога фронту».

Пра гэта паведамляе «Радыё Свабода» ў сваім акаўнце ў «Твітэры».

На транспаранце выявы Вінцэнта Гадлеўскага, Міхала Вітушкі, Станіслава Булак-Балаховіча, Сцяпана Бандэры і Рамана Шухевіча і надпіс «Героі не паміраюць». Многія ўдзельнікі святочнай дэманстрацыі, якая сёння праходзіць у Менску, трымаюць у руках сцягі Украіны і транспаранты ў падтрымку адзінства суседняй краіны.

Акцыя прысвечана 96 гадавіне абвяшчэння незалежнасці Беларускай Народнай Рэспублікі. Афіцыйна беларускія ўлады не прызнаюць гэтую дату, але прадстаўнікі дэмакратычнай грамадскасці штогод святкуюць яе як Дзень Волі.