Дэпутат з Адэсы раззлаваў расейцаў у Радзе Еўропы
27- 26.03.2014, 10:26
- 68,090
Аляксей Ганчарэнка з'явіўся на сесію Кангрэса мясцовых і рэгіянальных органаў улады ў футболцы «Пуцін=Гітлер».
Пасяджэнне праходзіць у Страсбургу ў зале Рады Еўропы. Акцыя дэпутата з Адэсы выклікала дзікае абурэнне сярод прадстаўнікоў расейскай дэлегацыі. Пра гэта Аляксей Ганчарэнка паведамляе ў сваім блогу на "Украинской правде".
Падчас выступлення прадстаўнік Украіны параўнаў падзеі ў Крыме і паводзіны Уладзіміра Пуціна з анэксіяй Аўстрыі Адольфам Гітлерам. Старшыня пасяджэння аўстрыец Ван Ста папрасіў выключыць мікрафон украінцу, але той усё ж змог скончыць сваё выступленне.
"Кангрэс асудзіў дзеянні Расеі і ўпершыню за шмат гадоў у еўрапейскай палітыцы было выкарыстана слова "анэксія", - распавёў ён.
Аляксей Ганчарэнка з'яўляецца дэпутатам Адэскага аблсавета і кіраўніком грамадскай арганізацыі "Якасць Жыцця".