Альфрэд Кох: У Расеі з'явяцца новыя ворагі з ядзернай зброяй

Пуцін зламаў увесь механізм нераспаўсюджвання ядзернай зброі ў свеце.

Пра гэта экс-віцэ-прэм'ер Расеі Альфрэд Кох напісаў на сваёй старонцы ў сацыяльнай сетцы "Фэйсбук".

"Сваёй адмовай выконваць гарантыі тэрытарыяльнай цэласнасці Украіны ў абмен на яе адмову ад ядзернай зброі Пуцін зламаў увесь механізм нераспаўсюджвання ядзернай зброі ў свеце. Зараз усе т.зв. "памежныя" краіны, г.зн. тыя, хто тэхнічна ў стане зрабіць бомбу, але не робяць яе так, як маюць гарантыі вялікіх ядзерных дзяржаў, у тэрміновым парадку пачнуць яе рабіць", - адзначыў ён.

Паводле яго слоў, ніякія ўгаворы на іх больш не падзейнічаюць. Пуцін выразна паказаў, што ўсім гэтых гарантыям - грош цана.

"І нават калі адна з краін-гарантаў прыме рашэнне іх парушыць, то ўсе астатнія нічога змяніць не ў стане. Такім чынам, у Расеі хутка з'явяцца больш эксцэнтрычныя апаненты, чым NATO або нават Кітай. Напрыклад, Украіна ці Саудаўская Аравія. Прывітанне гарачае, усім патрыётам, якія ў захапленні ад таго, што зрабіў Пуцін…", - рэзюмаваў Кох.