«Дэпутат» напаў на Алеся Пушкіна і зламаў «Пагоню» (Відэа)

Інцыдэнт адбыўся ў Дзень Волі ў пасёлку Бобр.

Выконваючы абавязкі старшыні Бобрскага сельсавета Уладзімір Загорскі, які быў абраны «дэпутатам» сельсавета, 25 сакавіка гвалтоўна спыніў мастацкую выставу Алеся Пушкіна, якую той праводзіў у цэнтры вёскі, пашкодзіўшы пры гэтым «Карціну Свабоды» - твор на палатне памерам 263 на 200 сантыметраў, які мастак піша 20 гадоў, дамалёўваючы штогод у Дзень Волі, перадае «Радыё Свабода».