Запасаў бензіну ў Крыме засталося на 5 дзён
17- 26.03.2014, 16:34
- 21,364
У Крыме ёсць праблема з пастаўкамі бензіну.
Вырашаецца пытанне пастаўкі светлых нафтапрадуктаў з Расеі альбо праз керчанскую паромную пераправу, альбо марскім шляхам.
Пра гэта заявіў журналістам першы намеснік міністра паліва і энергетыкі Крыма Вадзім Жданаў, перадае ІТАР-ТАСС.
«Ёсць праблема з забеспячэннем светлымі нафтапрадуктамі. У бліжэйшы час будзе наладжаная пастаўка бензіну расейскімі кампаніямі. У рэгіёне павінен знаходзіцца 10- дзённы запас паліва ва ўсіх аператараў. У нас сёння гэта пяцідзённы запас. Гэта значыць ён менш нарматыўнага. Тым не менш, зараз вырашаецца пытанне па пастаўцы, у тым ліку ўжо ідуць пастаўкі з Расейскай Федэрацыі. Пастаўка будзе весціся двума каналамі - альбо праз керчанскую паромную пераправу, альбо марскім шляхам», - сказаў Жданаў.