Расейскі фондавы рынак зноў абваліўся

Таргі на расейскім рынку акцый пачаліся зніжэннем фондавых індэксаў.

Таргі на расейскім рынку акцый 27 сакавіка пачаліся зніжэннем вядучых фондавых індэксаў. Па стане на 09:10 па менскім часе індэкс ММВБ упаў на 0,57% - да 1341,66 пункта. Індэкс РТС знізіўся да адзнакі ў 1188,02 пункта, што на 0,91% ніжэй за ўзровень закрыцця папярэдняга гандлёвага дня, перадае РБК.

Як чакалі аналітыкі ІГ "Норд-Капітал", адкрыццё рынку пачнецца з паніжэннем каля 0,5%, у дыяпазоне 1340-1345 пунктаў па індэксе ММВБ, адыгрываючы негатыўнае закрыццё асноўных фондавых індэксаў у ЗША. "У другой палове дня рынак можа зрушыцца пад уплывам значнай статыстыкі з ЗША. У 14:30 па кіеўскім часе будзе апублікаваная ацэнка ВУП за IV квартал і выйдуць штотыднёвыя дадзеныя аб змене колькасці першасных заявак на дапамогі па беспрацоўі", - адзначаюць эксперты.

Як лічыць аналітык АКБ "Расейскі капітал" Анастасія Саснова, чарговы жорсткі маналог прэзідэнта ЗША Барака Абамы з нагоды анэксіі Крыма можа прымусіць еўрапейскіх і расейскіх інвестараў успомніць аб геапалітыцы і звязаных з ёй рызыках. "Пасля недоўгачасовага карэкцыйнага руху ўверх індэкс ММВБ можа зноў нырнуць глыбока пад узровень у 1350 пунктаў. Акрамя таго, стымулаў для пакупак як такіх больш не засталося", - адзначыла яна.

Напярэдадні, 26 сакавіка, таргі на расейскім рынку акцый завяршыліся ростам індэксаў. Так, індэкс ММВБ да канца гандлёвай сесіі вырас на 1,88% - да 1349,39 пункта, індэкс РТС - на 2,45% - да 1198,89 пункта. Аб'ём таргоў па выніках дня склаў амаль 429 млрд. руб.

Фондавыя таргі ў ЗША 26 сакавіка завяршыліся зніжэннем вядучых індэксаў. Па выніках гандлёвай сесіі 26 сакавіка 2014г. індэкс Dow Jones знізіўся на 98,89 пункта (-0,60%) - да 16268,99 пункта, індэкс S&P апусціўся на 13,06 пункта (-0,70%) - да 1852,56 пункта, а індэкс Nasdaq - на 60,689 пункта (-1,43%) - да 4173,58 пункта.

Фондавыя таргі ў Еўропе 26 сакавіка завяршыліся разнанакіраваным рухам вядучых індэксаў. Па выніках таргоў брытанскі індэкс FTSE 100 вырас на 0,41 пункта (0,01%) - да адзнакі ў 6605,30 пункта, нямецкі індэкс DAX падняўся на 110,18 пункта (1,04%) - да 9448,58 пункта, французскі CAC 40 вырас на 41,03 пункта (0,94%) - да 4385,15 пункта.

Афіцыйны кошт нафты Brent на электроннай таварнай біржы InterContinental Exchange Futures Europe (IСE Futures Europe) па выніках таргоў 26 сакавіка павысіўся на 0,04 дал і склаў 107,03 даляраў за бар. Афіцыйны кошт нафты WTI (Light Sweet) на тэрміновай таварнай біржы New York Mercantile Exchange (NYMEX) у Нью-Йорку павысілася на 1,07 дал. і склала 100,26 дал. за бар.