Украіна і МВФ дамовіліся аб новым крэдыце
- 27.03.2014, 11:22
- 5,620
Украіна і Міжнародны валютны фонд дамовіліся аб новай крэдытнай праграме.
Пра гэта заявіў у чацвер кіраўнік місіі фонду Мікалай Георгіеў, піша lb.ua.
"Мы завяршылі працу, дамовіліся аб 2-гадовым крэдыце stand by у памеры ад 14 да 18 млрд даляраў", - сказаў ён.
Рашэнне павінен зацвердзіць савет дырэктараў МВФ у красавіку.
Нагадаем, тэрмін папярэдняй праграмы скончыўся ў канцы 2012 года. Па гэтай дамове краіна атрымала толькі толькі два крэдытных транша на $3,4 млрд з запланаваных $14,3 млрд. Затым фінансаванне было замарожана з-за невыканання патрабаванняў фонду - павышэння тарыфаў на газ для насельніцтва, кансерватыўнай бюджэтнай палітыкі і пераходу да гнуткага валютнага курсу.