Пад Радай 500 чалавек патрабуюць люстрацыі
8- 27.03.2014, 11:35
- 18,740
Пад будынкам Вярхоўнай Рады каля 500 чалавек з раніцы патрабуюць правядзення люстрацыі.
Як паведамляецца, сярод патрабаванняў пратэстоўцаў таксама адмена ўтылізацыйнага збору і пашырэнне доступу да публічнай інфармацыі. Удзельнікі мітынгу скандуюць: "Люстрацыя!", "Закон 3842!" (пра змены ў Падатковы кодэкс адносна адмены ўтылізацыйнага збору і акцыза на пераабсталяванне транспартнага сродку), перадае ТСН.
Акрамя таго, пратэстанты выступаюць за прыняцце закона 0947 (унясенне змяненняў у закон аб інфармацыі, і ў закон аб доступе да публічнай інфармацыі). Мітынгоўцы трымаюць плакаты з такімі патрабаваннямі.
Да пратэстоўцаў выйшлі некалькі народных дэпутатаў - пазафракцыйны Юрый Дзеравянка, прадстаўнікі "УДАРу" Аксана Продан і Сяргей Каплін.
Фота: liga.net