Украінскія дэсантнікі ўзялі пад кантроль базу ЧФ Расеі
9- 27.03.2014, 12:46
- 38,032
Украінскія дэсантнікі ўзялі пад кантроль навігацыйную станцыю Чарнаморскага флоту Расеі ў Генічэску Херсонскай вобласці.
Пра гэта паведамляе "Новый визит".
На тэрыторыю навігацыйнай станцыі "Марс 75" некалькі ваенных машын і БТР даставілі ўкраінскіх вайскоўцаў. Яны праводзяць перапіс маёмасці гідраграфічнага аб'екта. Па словах жыхароў горада, расейскія вайскоўцы перасталі з'яўляцца на тэрыторыі станцыі два месяцы таму.
У часы прэзідэнцтва Віктара Юшчанкі выканаўчая служба неаднаразова спрабавала выканаць пастанову суда аб вяртанні "Марс-75 "дзяржаўнаму прадпрыемству "Дзяржгідраграфія", але беспаспяхова. Міністэрства абароны Украіны неаднаразова выступала за вяртанне з арэнды маякоў і іншых гідраграфічных аб'ектаў, якія выкарыстоўваюцца Чарнаморскім флотам Расеі.
Фота: vizit.ks.ua