Тэлеканал «Интер» знік з кабельных сетак Салігорска
2- 27.03.2014, 13:33
- 7,396
Замест яго транслюецца праграма тэлеканала «Travel+adventure».
Адключэнне ўкраінскага тэлеканала адбылося тыдзень таму, паведамляюць чытачы выдання «Наша Нiва».
Нагадаем, падобная сітуацыя склалася і ў іншых гарадах Беларусі. Сёння стала вядома пра тое, што ў Гомелі з кабельных сетак таксама зніклі большасць украінскіх тэлеканалаў. У сераду, 26 сакавіка, ГАТТЦ «Гарант» спыніў трансляцыю «Интер+», «Киев СТВ» і ICTV па лічбаваму вяшчанню «Комфорт ТВ» на тэрыторыі Гомеля, піша odsgomel.org.
Адключэнне гэтых каналаў звязана з тым, што яны праходзяць працэдуру ўзгаднення трансляцыі на тэрыторыю Беларусі. Правайдэр заявіў, што вяшчанне спынена часова. Яно адновіцца, калі ўзгадненні будуць атрыманыя.