Арыштаванага на мяжы Расеі і Украіны беларуса трымаюць у СІЗА Курска
6- 27.03.2014, 15:27
- 12,458
Гамяльчанін, якога абвінавачваюць у падрыхтоўцы тэракту на Курскай АЭС, знаходзіцца ў ізалятары.
Пра гэта сайту charter97.org паведаміў адзін з чытачоў.
«Стала вядома, што Зміцер Разановіч знаходзіцца ў ізалятары №46 /1 па адрасе: 305016, г. Курск, вул. Пірагова, д. 1. На гэты адрас можна напісаць ліст падтрымкі. У хуткім часе да яго паедзе адвакат і стануць вядомыя новыя падрабязнасці затрымання», - адзначыў ён.
Нагадаем, Змітра затрымалі некалькі дзён таму расейскія спецслужбы, калі ён ехаў з Кіева ў Маскву. У яго знойдзены пашпарт яго брата, але цікавасць для ФСБ прадстаўляюць не чужыя дакументы, а ўдзел хлопца ў падзеях на Майдане. Зараз чэкісты спрабуюць абвінаваціць беларуса ў падрыхтоўцы тэракту на Курскай АЭС.