У ЗША тры сланы-ўцекачы разбілі аўтамабілі работнікаў цырка
- 27.03.2014, 18:13
- 6,115
У амерыканскім горадзе Сэнт-Луіс (штат Місуры) тры сланы збеглі з цырка і патрушчылі некалькі аўтамабіляў.
Як паведамляюць замежныя СМІ, сланы выйшлі на аўтамабільную паркоўку праз задні ўваход будынка, дзе праходзіла цыркавое прадстаўленне Moolah Shrine Circus.
Пакуль дрэсіроўшчыкі і супрацоўнікі цырка лавілі жывёлін, сланы зрабілі некалькі моцных увагнутасцяў на аўтамабілях, якія належаць супрацоўнікам цырка, пішуць podrobnosti.ua.
Загнаць у вальеры жывёл атрымалася толькі праз 45 хвілін.
Паводле папярэдніх звестак, сланы ўцяклі, бо спалохаліся шуму натоўпу.
Нягледзячы на інцыдэнт, "вялікая тройца" працягне браць удзел у паказах цырка.