Збеглага з часці ў Менску жаўнера затрымалі
6- 27.03.2014, 21:03
- 20,344
Жаўнера затрымалі сёння ў Цэнтральным раёне Менска.
Пра тое, што 20-гадовы выхадзец Навагрудскага раёна Гарадзенскай вобласці сышоў у самаволку, стала вядома на выходных, калі яго ўжо пачала шукаць міліцыя. Цяпер ён знаходзіцца ў частцы ўнутраных войскаў, але на службу не заступіў. З ім вядуць гутаркі псіхолагі і камандзіры, піша onliner.by.
Вайсковец пакінуў частка 21 сакавіка ў першай палове дня. Зброі пры сабе ў яго не было. Пасля затрымання ён не змог растлумачыць прычыну самавольнага пакідання вайсковай часткі ў Менску.
Начальнік прэс-службы УВ МУС Уладзімір Пархомцаў удакладніў, што вайсковец адмаўляе факты нестатутных стасункаў у частцы, і яны не паслужылі прычынай сыходу. Пры гэтым абгрунтаваць прычыну свайго ўчынку ён не можа.
«Для Унутраных войскаў выпадкі самавольнага пакідання вайсковай часткі вельмі рэдкія, таму ў прычынах і абставінах цяпер разбіраецца камандаванне часткі. Паводле справы прызначаная службовая праверка, па яе выніках будзе вызначана, якія санкцыі рушаць услед», - патлумачыў Уладзімір Пархомцаў.
За самавольнае пакіданне часці або месца службы прадугледжаная крымінальная адказнасць і арышт на тэрмін да шасці месяцаў.