Польшча пачне выдачу беларусам гадавых турыстычных віз
49- 27.03.2014, 23:36
- 65,351
Генконсул Польшчы ў Гродне заявіў пра прыняцце рашэння аб прыёме дакументаў на шматразовыя турыстычныя візы тэрмінам да года.
Ужо з 1 красавіка 2014 года ўсе грамадзяне Беларусі, у каго за апошнія 3 гады было не менш за дзве шэнгенскія візы, сярод якіх хоць бы адна польская турыстычная, змогуць атрымаць гадавую візу. Так заявілі ў польскім консульстве ў Гродне мясцовай турфірме Зэт.
Умовы выдачы, а таксама неабходны пакет дакументаў, агучаць пазней, піша eurotrip.by.
Нагадваем, што за апошнія гады польскі шэнген за куплямі стаў адной з самых папулярных і простых у атрыманні віз. Аднак, дадзенай візай карысталіся часцяком і ў турыстычных мэтах. Таму рашэнне аб выдачы шматразовых турыстычных віз стала своеасаблівым прарывам, крокам насустрач беларускім грамадзянам. Спадзяемся, польскі бок вырашыць праблему з рэгістрацыяй на падачу дакументаў. Тады атрыманне візы стане не зацяжной вайной, а прыемнай падзеяй.