Пугачова патрабуе спыніць цкаванне Макарэвіча

У інтэрнэце распачалі інфармацыйнае цкаванне музыкі, лідара гурта "Машина времени" Андрэя Макарэвіча.

Ала Пугачова і шэраг іншых дзеячаў выступілі ў абарону Макарэвіча з лістом на імя прэзідэнта РФ Уладзіміра Пуціна, прэм'ера Дзмітрыя Мядзведзева, генеральнага дырэктара Первого канала Канстанціна Эрнста, Дзярждумы і Савета федэрацый.

Тэкст ліста размешчаны на сайце Эхо Москвы, піша "Украинская правда".

"Услед за распаўсюджваннем адкрытай хлусні пра нібыта наяўнасць у Макарэвіча бізнеса на ўкраінскай тэрыторыі, у Інтэрнэце ў чацвер, 27 сакавіка, быў арганізаваны псеўда-незалежны збор подпісаў за пазбаўленне Андрэя Макарэвіча ўсіх дзяржаўных узнагарод", - сказана ў лісце.

У размешчанай у сетцы петыцыі вядомага музыку абвінавачваюць у "падбухторванні да забойства людзей", а самога Андрэя Макарэвіча называюць "памагатым фашыстаў", які не павінен "валодаць гэтым ордэнам".

Гэты дакумент аўтары размясцілі на рэсурсе, які не адносіцца да расейскай юрысдыкцыі (change.org), паколькі расейскае заканадаўства жорстка карае за падобныя выказванні.

"Аднак гэтую гідкую кампанію ўжо падтрымалі асобныя прадстаўнікі "Адзінай Расеі" і некаторыя Сродкі масавай інфармацыі. Імкненне палітыкаў і СМІ павысіць свой ​​рэйтынг на стварэнні скандалу вакол імя вядомага чалавека вартае жалю", - напісалі дзеячы культуры, праваабаронцы і палітыкі ў абарону Макарэвіча.

Як сказана ў лісце, распаўсюджванне скажонай інфармацыі губляе высакародную прафесію да ўзроўню "жоўтай прэсы", а выкарыстанне СМІ ў якасці прылады прапаганды - проста не вытрымлівае крытыкі.

Акрамя Алы Пугачовай ліст падпісаў Леанід Ярмольнік, які быў заўзятым прыхільнікам дзеянняў Пуціна ў дачыненні да Крыма.

Таксама ліст падпісалі палітык Міхаіл Прохараў, пісьменнік Людміла Уліцкая, праваабаронца Леў Панамароў, тэлевядучы Аляксандр Любімаў і іншыя дзеячы.

Фота: vesti.ru