Украінцы сустрэлі жаўнераў з Крыму з ушанаваннямі і вайсковым аркестрам
7- 29.03.2014, 19:30
- 25,913
Вайскоўцы ўнутраных войскаў ажыццявілі перадыслакацыю сваіх сіл з Крыму на кантынентальную частку краіны.
Цяпер 1,1 тысяч вайскоўцаў працягнуць праходзіць службу ў воінскіх частках Нацыянальнай гвардыі Украіны. Пра гэта сведчыць прэс-служба ВВ МУС Украіны, паведамляе РБК-Украіна.
«Непадалёк ад мяжы з Крымскай паўвыспай у Херсонскай вобласці афіцэраў, прапаршчыкаў, сяржантаў і салдат тэрміновай службы сустракалі з ушанаваннямі і вайсковым аркестрам. Як родных сыноў, воінаў выйшлі сустрэць жыхары размешчаных непадалёк раёнаў Херсонскай вобласці і прадстаўнікі мясцовых органаў улады», - гаворыцца ў паведамленні.
Да вайскоўцаў звярнуўся камандуючы ўнутраных войскаў МУС Украіны генерал-лейтэнант Сцяпан Палтарака. Ён падзякаваў асабістаму складу за вытрымку, праяўленую адвагу, вернасць вайсковай прысязе і ўзнагародзіў знакамі адрознення МУС і ўнутраных войскаў. Пасля завяршэння ўрачыстасцяў вайсковыя праваахоўнікі раз'ехаліся ў розныя куткі Украіны.