Турэцкія авіялініі адмянілі ўсе рэйсы ў Крым
3- 31.03.2014, 10:29
- 10,080
У сувязі з абмежаваннямі, якія ўвяла Міжнародная арганізацыя грамадзянскай авіяцыі, усе рэйсы турэцкіх авіяліній у Крым адмененыя да 17 чэрвеня.
Пра гэта паведамляе афіцыйны сайт авіякампаніі, перадае «Радыё Свабода».
Іншая турэцкая кампанія AtlasJet паведаміла аб прыпыненні палётаў ў Сімферопаль пакуль да 9 красавіка. Міжнародныя авіялініі Украіны адмянілі рэйсы ў Крым да 29 красавіка.
На дадзены момант у Крым здзяйсняюць палёты толькі самалёты расейскіх авіякампаній.
Адмена рэйсаў звязаная з нявызначаным статусам аэрапорта Сімферопаль і абмежаваннямі, якія ўвяла Міжнародная арганізацыя грамадзянскай авіяцыі. Па правілах ІКАА палёты не павінны здзяйсняцца ў рэгіёны, статус якіх не прызнаны міжнароднай супольнасцю.
Фота: Reuters