МУС затрымала падазраваных у расстрэле актывістаў Майдана
10- 31.03.2014, 13:46
- 43,926
МУС Украіны затрымала сілавікоў, якія падазраюцца ў расстрэле людзей у Кіеве.
Пры гэтым ў сілавым ведамстве не ўдакладнілі колькасць падазраваных і затрыманых. Супрацоўнікі МУС затрымалі шэраг падазраваных у масавым забойстве мітынгоўцаў на Майдане ў лютым. Да ліку затрыманых адносяцца не толькі члены арганізаваных крымінальных банд, але і некаторыя супрацоўнікі праваахоўных органаў, паведаміла ў панядзелак 31 сакавіка, прэс-служба МУС.
Раней паведамлялася, што ў чацвер 3 красавіка, міністр унутраных спраў, Генпракурор і кіраўнік СБУ дадуць прамежкавую справаздачу аб расследаванні справы аб масавых забойствах у цэнтры Кіева.
Кіраўнікі сілавых ведамстваў пакажуць і раскажуць тое, што не пашкодзіць працэсу далейшага следства па гэтай справе. Адкрыюць інфармацыю пра затрыманых і падазраваных, піша korrespondent.net.
Адзначым, што ў Львоўскай вобласці СБУ разам з МУС канфіскавала з незаконнага абароту зброю і боепрыпасы, якія маглі выкарыстоўвацца падчас расстрэлу ўдзельнікаў масавых акцый на Майдане Незалежнасці ў лютым 2014 года.