Пуцін загадаў войскам вярнуцца з вучэнняў
43- 4.03.2014, 9:29
- 45,634
Улады Расеі сцвярджаюць, што расейскія войскі, якія бралі ўдзел у вучэннях каля межаў Украіны і Беларусі, вярнуцца ў казармы.
«Вярхоўны галоўнакамандуючы Узброенымі сіламі Расеі, прэзідэнт Расеі Уладзімір Пуцін аддаў загад войскам і злучэнням, якія бралі ўдзел у ваенных вучэннях, вяртацца ў месцы пастаяннай дыслакацыі», - паведаміў прэс-сакратар Пуціна Дзмітрый Пяскоў.
Гэтую інфармацыю распаўсюдзіла агенцтва «Інтэрфакс».
Загад аб правядзенні «раптоўнай праверкі» ў Заходняй і Цэнтральнай ваенных акругах быў аддадзены 26 лютага 2014 года.