Газ і электраэнергія падаражэлі

У Беларусі павялічаныя тарыфы на газ, цеплавую і электрычную энергію для насельніцтва.

Пра гэта гаворыцца ў пастанове Савета Міністраў №179 ад 28 лютага 2014 года, якая афіцыйна апублікаваная сёння на Нацыянальным прававым інтэрнэт-партале.

Дакумент уступае ў сілу з 1 сакавіка 2014 года.

Такім чынам, з пачатку месяца кошты для насельніцтва на газ прыродны і звадкаваны, тарыфы на электрычную і цеплавую энергію павялічваюцца.

У прыватнасці, тарыф на цеплавую энергію для патрэб ацяплення і гарачага водазабеспячэння з 1 сакавіка ўстаноўлены ў памеры Br82 020 за 1 Гкал.

Кошт 1 куб.м прыроднага газу, што выкарыстоўваецца ў жылых дамах і кватэрах, а таксама ў садовых доміках (дачах) членаў садаводчых таварыстваў з усталяванымі прыборамі індывідуальнага ўліку расходу газу, пры наяўнасці індывідуальных газавых ацяпляльных прыбораў і (або) газавых воданагравальнікаў у ацяпляльны перыяд вызначаны на ўзроўні Br530, 3, у летні перыяд - Br1 940,9. Пры адсутнасці індывідуальных газавых ацяпляльных прыбораў (незалежна ад сезону) кошт 1 куб.м газу складзе таксама Br1 940,9.

Без прыбораў індывідуальнага ўліку расходу газу кошт газу пры наяўнасці газавай пліты і цэнтралізаванага гарачага водазабеспячэння або індывідуальнага воданагравальніка (за выключэннем газавага) складзе Br15 500 з аднаго жыхара ў месяц, пры наяўнасці газавай пліты і газавага воданагравальніка (пры адсутнасці цэнтралізаванага гарачага водазабеспячэння) - Br44 650, пры наяўнасці газавай пліты і адсутнасці цэнтралізаванага гарачага водазабеспячэння і газавага воданагравальніка - Br25 250.

Павышаныя кошты і на звадкаваны газ, які выкарыстоўваецца ў жылых дамах і кватэрах. Так, кошт 1 куб.м з усталяванымі прыборамі індывідуальнага ўліку расходу газу пры наяўнасці індывідуальных газавых ацяпляльных прыбораў і (або) газавых воданагравальнікаў у ацяпляльны перыяд складзе Br8 215,9, у летні перыяд - Br5 175,4. Пры адсутнасці індывідуальных газавых ацяпляльных прыбораў кошт 1 куб.м складзе таксама Br5 175,4. Без прыбораў індывідуальнага ўліку расходу газу пры наяўнасці газавай пліты і цэнтралізаванага гарачага водазабеспячэння або індывідуальнага воданагравальніка (за выключэннем газавага) кошт звадкаванага газу з аднаго жыхара ў месяц устаноўлены на ўзроўні Br15 500, пры наяўнасці газавай пліты і газавага воданагравальніка (пры адсутнасці цэнтралізаванага гарачага водазабеспячэння) - Br43 950, пры наяўнасці газавай пліты (пры адсутнасці цэнтралізаванага гарачага водазабеспячэння і газавага воданагравальніка) - Br20 700.

Кошт электрычнай энергіі ў жылых дамах (кватэрах), абсталяваных ва ўстаноўленым парадку электрычнымі плітамі, па аднаставачным тарыфе цяпер складае Br633,9 за 1 кВт.гадз, па дыферэнцыяваным тарыфе - Br443,7 за 1 кВт.гадз у перыяд мінімальных нагрузак з 22.00 да 17.00 і Br1267,8 за 1 кВт.гадз у перыяд максімальных нагрузак з 17.00 да 22.00.

Кошт электраэнергіі для патрэб ацяплення і гарачага водазабеспячэння з далучанай магутнасцю абсталявання больш за 5 кВт устаноўлены на ўзроўні Br745,9 за 1 кВт.гадз у перыяд мінімальных нагрузак з 23.00 да 6.00 і Br2237,7 за 1 кВт.гадз у астатні час сутак.

Электрычная энергія, за выключэннем паказанай у папярэдніх выпадках, па аднаставачным тарыфе будзе абыходзіцца жыхарам рэспублікі ў Br745,9 за 1 кВт.гадз, па дыферэнцыяваным тарыфе - Br522,1 за 1 кВт.гадз у перыяд мінімальных нагрузак з 22.00 да 17.00 і Br1491,84 за 1 кВт.гадз у перыяд максімальных нагрузак з 17.00 да 22.00.