Вядучая RT асудзіла ў эфіры расейскае ўварванне ва Украіну (Відэа)

Вядучая тэлекампаніі Russia Today Эбі Марцін у сваёй праграме асудзіла ўварванне расейскіх войскаў ва Украіну.

У канцы праграмы Эбі Марцін выказала свой пункт гледжання на падзеі ў Крыме.

«Тое, што я працую тут, на RT, не азначае, што ў мяне няма рэдакцыйнай незалежнасці. Я падкрэсліваю, што я катэгарычна супраць умяшання любой краіны ў справы суверэнных дзяржаў. Тое, што зрабіла Расея, няправільна. Я не збіраюся абараняць «ваенную агрэсію» ў эфіры сваёй праграмы, - заявіла яна.